uonteam.4t.com


عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي فريق جامعة نيالا التقنى
سنتشرف بتسجيلك
شكرا
ادارة المنتدي

المواضيع الأخيرة

» زمان الجدب العدد الخامس
الجمعة مايو 25, 2012 5:07 pm من طرف karameldin

» اجمل النكات السودانية هها هااااااااااااااااااااااااي
الإثنين أغسطس 08, 2011 11:58 am من طرف حسن علي

» مساطيل زى الفل
الإثنين أغسطس 08, 2011 11:38 am من طرف حسن علي

» ردو عليا يا شباب لو سمحتو
الأحد سبتمبر 26, 2010 11:21 pm من طرف حسام الدين تاج الدين

» حمل طرح مناظره الجبهه الديمقراطيه مع مؤتمر الطلاب المستقليم جامعه نيالا
الجمعة سبتمبر 24, 2010 8:26 pm من طرف حسام الدين تاج الدين

» فشل اعضاء المنتدى
الجمعة سبتمبر 24, 2010 7:50 pm من طرف حسام الدين تاج الدين

» جيناكم فى نيالا
الإثنين أغسطس 02, 2010 3:40 pm من طرف محمد صلاح الفركاوى

» اين انتم
السبت يوليو 10, 2010 5:10 pm من طرف مصطفى حجير

» تعريف
الخميس مارس 25, 2010 7:11 pm من طرف bykooo

    الاغنية الهابطة

    شاطر

    ياسر سبيل
    عضو جديد
    عضو جديد

    عدد المساهمات: 4
    نقاط: 19156
    تاريخ التسجيل: 22/06/2009

    الاغنية الهابطة

    مُساهمة من طرف ياسر سبيل في الأحد يوليو 05, 2009 9:49 pm

    اجمل مساء لكل الموجودين في هذا المنتدى
    الموضوع الذي اريد ان اكتب عنه هو موضوع الاغاني التي تسمى شبابية ولكنها لاتمت للزوق الشبابي بصلة هذه الاغاني التي سممت مسامعنا في الاونة الاخيرة
    هل ظهرت نتيجة لهبوط الزوق العام في الاغاني ام لهبوط الكلمة المغناه لست ادري ولكن ان كل تلك العوامل اجتمعت لتظهر لنا تلك الواجهة السيئة في تاريخ الاغنية السودانية التي اخرجت اجيال من العمالقة في الغناء لايتسع لي اليوم بطوله لكي اذكرهم
    ولكن لم يقف هولاء الذين يدعون انفسهم فنانين عند ذلك الحد بل امتدت ايديهم لتشويه اغاني غيرهم من كبار المطربين
    والمشكلة هي ان الاغنية مستقرقة في الهبوط وكل يوم والاخر يخرجون باغنية جديدة وفنان جديد كما يطلقون على انفسهم والانكى من ذلك كله انهم يغنون اغانيهم هذه في اماكن اقدس من ان تغنى فيها مثل هذه التي يسمونها اغاني
    حسنا هل من اراء اخرى

    Ahmed Algam

    إدارى


    إدارى

    عدد المساهمات: 69
    نقاط: 19825
    تاريخ التسجيل: 29/04/2009

    رد: الاغنية الهابطة

    مُساهمة من طرف Ahmed Algam في الإثنين يوليو 06, 2009 10:16 am

    سلامات اخ ياسر لك التحية فعلاً الناس محتاجة تتكلم فى مواضيع تعجب منها الدهر وكل يوم والتانى بتلقى شى جديد وغريب بس الاغانى الهابطة فى وزمنا دا زى الإستايل فى اللبس والاكل وحتى الاكل وطريقية المشى فما بالك بالغنا وهو سهل التأثير على زوى العقول الخاوية .
    فى شاعر من الشباب ديل بس شكلو هاوى اسمع قال شنو :
    الكلمة لا تهبط ابداً اللفظ جميل واللحن هو الهابط
    (دقه الباب وجانا جريت ليو حفيانه ما قصدت الخيانه قصدى يقيل معانا).
    عليك الله دا كلام شنو ؟
    ومنو قال ليك الكلمة ما بتهبط ؟
    نقطة نظام :
    طيب البدى معنى شنو الكلمة ولا اللحن وطيب المقطع من الاغنية دى انا بفهمو هو بس ما بفهم اللحن قاصد شنو .
    نقطة دخول :
    الاغانى السودانية اقصد الفترة الذهبية كانت اجمل ما تكون تدعو الى السماحة و التسامح والغزل العفيف المتحلى بالشيم والاخلاق النبيلة .
    نقطة توقف :
    امسك معاى اى اغنية من اغانى الشاب فى هذه الفترة اى فترة الانحطاط للفن طيب زى شنو ايوا فى واحد من الشباب قال :
    اشتقت ليك يا منقة اشتقت لصفقك يا باقة العسل الله فيك دفقك !
    عليك الله شوف الزول بتكلم كيف ؟ بس ورينى قاصد شنو ؟
    واحد تانى ولا هو زاتو ماعارف قال:
    ادمنت ريدك عشقت ريد غيرى انشاء الله ما تتهنى دعوة خالصة من ضميرى .
    شوف كمية الحقد والضغينة فى الغنية دى !!
    لو مصدقك كلام الناس مصدق الحدثك اضربنى بمسدسك املانى رصاص .
    لا تعليق
    الجاب لى اخبارو قال البكا ازى عيونو لسه ياما يلاقى دى ناية البخونو !
    برضو كميات من الكرة .
    لكن تعال اسمع الناس قالو شنو :
    مسامحك يا حبيبى مهما قسيت عليا قلبك عارفو ابيض كلك حسن نية .
    سامحنى غلطان بعتزر .
    اعزرينى الدمعة دى حتبقى آخر تانى لو قربت منك يبقى ليك الحق عليا .
    قلت ارحل اسوق خطواطى من زولا نسى الإلفة ابدل ريد بعد ريدك عشان يمكن يكون اوفى .
    كميات من اللباقة والزوق الرفيع و التسامح ...
    نقطة خروج :
    احب اصحح مجموعة من الشباب ديل البنتكلم عنهم وطبعاً ما كلهم بس الغريب واحده منهم قالت:
    يا جماعة الغنا فى خطر كل هب ركب القطر ؟
    والله سبحان الله كالحمار يحمل اسفار مع إنها يوم ما غنت اغنية زى الناس .
    واحد تانى قال:
    البغنو ديل كشا مشا بس بغنو دايرين عشا .
    ليس كما كان يرسمها الفيتورى رحمنا الله .

    al noman

    إدارى


    إدارى

    عدد المساهمات: 11
    نقاط: 19686
    تاريخ التسجيل: 02/05/2009

    رد: الاغنية الهابطة

    مُساهمة من طرف al noman في الأربعاء يوليو 08, 2009 1:35 pm

    الأخوان ياسر وعلقم لكم التحية

    لا أنكر أنكم تناولتم موضوع في غاية الأهمية عن ألاغاني الهابطة او كماء اسميها التلوث السمعي فهذا الموضوع كثيراً ما شغل الراى العام لانه موضوع مهم جداً

    زكرتم في الموضوع الذي تناولتموه ان الفترة الماضية أي فترة العمالقة كانت الفترة الذهبيه اوافقكم الراى وكلً سيوافقكم لكن لا يعني هذا ان الجيل السابق كان يفتقد للسلبات والاغاني الهابطة .

    دخول:

    لماذا كل ماذكر الشباب كانت الاغنية الهابطة مرادف لهم فهم لم يصطنعوها بل كانت موجودة اصلاً فلا نتهمهم وننسب اليهم ماليس لهم

    .اخواني لكل زمان متطلباته ولكل ثقافة سلبياتها واجابياته فالاغاني الهابطة ايضاً كانت موجودة في العصر الذهبي وللدلالة علي ذلك كثير من الفنانين العمالقة تغنوا بما هو هابط فمثلاً هذا الفنان العملاق الذي كثيراً ما احببته وتفاءلت عند سماعي له فاسمعوا ماذا قال:

    قصة ريدة بين اتنين بين مسلم ومسيحية .يعني شنو

    عملاق اخر قال :

    ست الودع هاكي الودع لي كشكشي وشوشي . ماذا يعني

    وايضاً قال اخر:

    الليلة وين ياعينيا بيتكم بوين ياعينيا . فهمت حاجة

    وايضاً زكرتم ان العبرة في الكلمة وليس اللحن. موافقين طيب بتقولو ليه ان الشباب دنسو اغاني العمالقة مع انهم لم يغيرو في معناها او كلماتها .احبتي لا تستوي الكلمة من غير اللحن فالكلمة واللحن وسيطان مكملان لبعضهما .اكيد سمعتم هذه الاغنية التي تغنا بها فنان عملاق وايضاً فنان شاب واخبروني من من اعجبتكم.

    الاغنية: فرحانة بيك كل النجوم لا نام بريقا ولا انطفه.

    خروج:

    حته خارج النص:

    لدي صديق عزيز علي جداً يعمل بالإذاعة فذات مرة سألته لماذا تقدمون لنا دائماً الاغاني القديمة اعني الجيل السابق ام ان المكتبة الصوتية لديكم تفتقر لاغاني الشباب .فصمت برهه ثم اجابني قائلاً : نحن في الاذاعة نخاطب عقول واجيال وثقافات لذلك دائماً نسمع الناس ماهو جميل ثم واصل الحديث ان الاغنية القديمة تتمتع بكل المقومات الفنية من كلمة ولحن ...الخ

    فقلت له ايعني هذا ان الشباب ليس لديهم ماهو جميل حتي يسمع وامتد الحوار علي هذا النحو.

    حته خاصة بي :

    لايعني هذا الراي انني ادافع عن الفنانية الشباب لكن هذه كلمة حق يجب ان نقولها

    نعم هنالك اليوم ماهو هابط ومبتذ ولكن ايضاً هنالك ماهو جميل وطروب فيجب كل ما ذكرنا سلبيات هذا الجيل نزكر محاسنه ايضاً .

    ############ ويمتد التواصل ###########










    [/size][/size]
    [/b]

    Ahmed Algam

    إدارى


    إدارى

    عدد المساهمات: 69
    نقاط: 19825
    تاريخ التسجيل: 29/04/2009

    رد: الاغنية الهابطة

    مُساهمة من طرف Ahmed Algam في الإثنين يوليو 13, 2009 1:56 pm

    اخ الرائع النعمان الظاهر انو الامور اختلطت عليك شوي بس فى حبه توضيح :
    اول حاجة :مفهوم الهبوط او الكلمة الهابطة قالو هى من هبط الشئ اى نزل من مكان عالى يعنى لمن نقول الاغنية هابطة يعنى ادنى من منزلة الاغانى الراقية.
    تانى حاجة :
    انا ما عميت كل الفنانين الشباب على انو اغانيهم هابطة بالعكس في فنانين شباب فى قمة الرقى وخلى الورق مكشوف امسك زى فرفور و محمود وكتير زيهم .
    حاجة مهمة:
    بس كونك تقول انو الفنانين الكبار غنو هابط دى ما عندك حق فيها وانا لمن قلت الفترة الذهبية قاصد اقول انو الغنا كان على مستوى عالى يعنى عكس الهبوط .
    حاجة كده:
    اغنية قصة ريدة بين اتنين بين مسلم ومسيحية ما فيها اى هبوط قول لى ليه ؟ لانو نحنا قنا المقياس بالكلمات وفى كلماتها ما فيها ما يعيب و قصة ممكن تحصل دا لو ما حصلت وبعدين ارجع شوف نهاية الغنية بتقول شنو يعنى خلاصة الكلام انو المسلم بالرغم من انو حباها بجنون بس ما بدل اسلامو بى اى حاجة .طيب وين الهبوط ؟
    وبعدين الغناها الفنان عاطف السمانى وهو من جيل الشباب و ليس من جيل العمالقة او ما عاس الفترة الذهبية .
    نجى نشوف اغنية ست الودع هى فى وقتنا الحاضر باعتبارها هابطة بس فى زمنم ما كانت كده بدليل انها كانت بتعرض فى التلفزيون القومى .
    اما الاغنية الاخيرة ما حصل سمعت بيها قبل كدة .
    حاجة بحاجتين:
    تعال شوف الهابط بالجد :
    اولاد السامراب كلكم يسلم سجارة من باقى الشلة كلكم.
    انا بريد البواليس .
    راجل البتاع دا حلو حلا.
    سيطرة ومقدرة.
    ابوى يا باشا سادة البيه.
    الشحم دا والبتاع دا عملو لشنو عملو لبتاع البتاع .
    للك التحية نعمان وهارلك فى سيكافا اخرى .

    كريستال بلح
    عضو جديد
    عضو جديد

    عدد المساهمات: 2
    نقاط: 17004
    تاريخ التسجيل: 23/01/2010

    رد: الاغنية الهابطة

    مُساهمة من طرف كريستال بلح في السبت يناير 23, 2010 1:10 pm

    للاسف يا شباب كلكم اسهبتوا في القاء الحجاره علي الاغاني الشبابيه وسميتموها الاغاني الهابطه دون اي سبب , ان مجرد وصفنا لنوع من انواع الفن بانه هابط هو علامة تعجب كبيره حول تناقضنا الغريب .
    فكيف نقول ان راجل المره وغيرها فن هابط ؟ هل يتم تحديد هبوط الفن بالكلمات ام باللحن ام باسلوب الاداء ام باسم الفنان ام اماذا ؟
    للاسف معظمكم ان لم تكونوا كلكم تستمعون للاغناي الاجنبيه 50 سينت واكون وغيرهما فهل سال احدكم نفسه يوما ماهو معني مايقوله الفن الاجنبي ؟
    ان الاستماع الى الاغاني يختلف من شخص لاخر لان كل بحس مزاجه وزوقه ونظرته الى الحياه . فانا مثلا ارى ان شاعر اغنية راجل المره هو على حق تماما وقد وصل الى سدرة منتهى لاابداع حينما وصف حال النساء من راجل المره باسلوب ابداعي موغل في ايضاح التفاصيل بواقعيه متجرده , ولكن ثقافة النقد من اجل النقد تجعلنا نصب عليه وعلى اغنيته سياط غضبنا لانه تناول جانبا حقيقيا ولم يكتب عن الوكر المهجور او ظلم سلمى .

      الوقت/التاريخ الآن هو الجمعة سبتمبر 19, 2014 9:51 pm