منقة تكنو ()()()()

مقارنة بين المنقة المخلوطة فى تِكنو والمنقة المخلوطة فى تِكنو
احسن ليكم تمشو تجنو وتمشو تجربو منقة تِكنو
منقة تِكنو دى حاجة عجيبة منقة الجامعة دى ما بتجيبة
منقة تِكنو تشوفا تعشرق
منقة لونا ما بين اصفر واصفر(فهمت الحاصل)
ولا اقولك لونا مكسر زى التلج العايم فيها وقرب يسكر
منقة قواما مرسوم رسمه
منقة تشوفا تقول منقسمة
كدى قبل تجنو وتمشو تجربو منقة تِكنو بدور اسالكم حصل جربتو المنقة تقيلة وسكرا زايد
اها لما المنقة تبقى تقيلة ما تتكسر وتحرق نفسك وتعمل ماشى تشيلا
انا عارفكم اصلو الواحد مما يسمع سيرة المنقة يقول فى سرو المنقة دبنقا وزيـــــــــــــــى

يوم الهِناى الفات مرت علينا سنين
الليلة عيدو هِناى وامس الجميع واقفين
من غيرو كنت هِناى وكان قلبى ديمة حزين
كان دمعى منى هِناى والناس تقل مسكين
يوم ما لقيتو هِناى قاعد معاو واحدين
قلت ليهو إنو هِناى وين إنتو ما ظاهرين
كان قاعدة جنبو هِناى ردت على قاعدين
قعدت مما هِناى قاعد قريب ساعتين
سافرت لما هِناى عديت هناك يومين
ورجعت لما هِناى لاقيتو بين اتنين
قلت ليهو والله هِناى والله مشتاقين
ضحك الغزال وهِناى كانت ردودو طنين
كت حاسى برضو هِناى شايلنى فى العينين
بس كيف اقولو هِناى والريده منى تبين
وعيونى فيها هِناى لكن لسانى سجين
الله العليم بهِناى خليهو قلبو يلين
وادينى منو هِناى واديهو قلبى امين
يوم بس بدون ما هِناى قلت ليهو ريدى دفين
الله استجاب لهِناى وبقينا متحابين
ظاهر عيان وهِناى صار حبو لى قرين
سبنا العزول وهِناى فى حرقتم زايدين
زاد بهناهو هِناى ومسحنا كل انين
عيدك وعيدى هِناى يجرى فى دمى سنين
كل عام وانت هِناى والدنيا ليك ياسمين
كل عام وانت هَناى والدنيا ليك ياسمين