الرئيسية
أحدث الصور
التسجيل
دخول
بسم الله الرحمن الرحيم
عم الطيب بجر فى انفاسو الاخيرة قام كتب الوصية بتاعتو وقام نادى نادر ولدو وقال ليو :امسك يا ولد الورقة دى واوعك تقراها قبل ما اموت واوعى تقراها براك تديها لزول بتثق فيهو يقراها ليك .
نادر: يا ابوى دا كلام شنو ؟
عم الطيب :يا ولد اسمع لو دايرنى اموت وانا غضبان عليك ما تنفذ الوصية وما داير اى كلام .
نادر المسكين مسك الورقة وهو متحير من الكلام السمعو والورقة فيها يالله يكون الحاج عندو ممتلكات نحنا ما عارفنها طيب لو كان كده ما عايزى اقراها براى لية؟؟؟؟؟؟؟
بعد ساعات عم الطيب توفى الى رحمة مولاة ومع جوطة البكاء والحزن على ابوه والناس خاشه وطالعة نسى موضوع الورقة وبعد كم يوم قام شال الورقة واداها لامو حاجه آمنه .
حاجه آمنه : دى شنو يا نادر؟
نادر: الورقة ادانى ليها الحاج الله يرحمو وقال لى كدا وكدا انت شوفى الحاصل فيها شنو
حاجه آمنه فتحت الورقة وصنت مسافة وبعدين قالت ليو :
امسك الورقة ولم حاجاتك واطلع من البيت ومن الليلة لا انت ولدى ولا بعرفك
نادر : يا امى عليك الله فيها شنو ؟
حاجه آمنه : لو ما دايرنى احصل ابوك زح من قدامى .
اخونا بقى طاشى شبكة البسوى قلبو طلع من البيت وجرى على سلمى خطيبتو يا بت الناس لو انتى بتحبينى بالجد بالجد ورينى الورقة دى فيها شنو ؟
سلمى : نادر دا كلام شنو البتقول فيو وبعدين انت عارفنى بحبك اكتر من اى حاجة وتانى ورقة شنو الجايطه راسك .
نادر :الحاصل كيت وكيت رايك شنو ؟
سلمى : حيب الورقة ، فتحت الورقة وصنت مدة وقامت على حيلها امسك يا ود الناس ورقتك وتانى حاجه امسك الدبله بتعاتك دى ما عايزاها وحاجة اخيرة تانى عليك الله لو لقينى فى الشارع ما تسلم على .
صاحبنا من الصدمة ما قدر ينطق حرف .
المهم طلع وبقى لافى فى الشوارع وحالتو بالبلا صدفه لاقاه صحبو سيف .
سيف :نادر مالك يازول لافى فى الحر دا انت عيان ولا شنو ؟
نادر : خلينى عليك الله .
سيف : اخليك ؟؟؟؟؟
قام ساق نادر البيت وجاب ليهو عصير وبعد شويه نادر هدى شويه وبد يحكى لسيف تفاصيل ما حدث .
سيف : جيب الورقة .
نادر : لا لا انا ما ناقص اخسرك انت كمان .
سيف :طيب انا عندى ليك حل بس ما عارف ...
نادر ألحقنى بيو الله يخليك .
سيف : تقوم تسافر بره يعنى تمشى مكان مافيهو زول بعرفك ولا بعرف اهلك و لا سمع بيهم قبل كدا.
نادر : شديد يا مان .
اول طياره قايمه اخونا نط فيها وبقى قاعد زى الصنم فى الكرسى يجيبو الحلاوة ما داير الموية ما داير الاكل ما داير المهم المضيفة لاحظت للزول دا ما تمام جات سألتو :
مالك يا شاب اى حاجة ما داير ما داير ؟
نادر : عليك الله انا ما ناقص !
وبعد حنك قام حكى ليها الحاصل واداها الورقة الملعونة شالتا وودتا للكابتن ، فتح الورقة وقراها وقال :
الزول دا قاعد وين ؟
المضيفة : هناك فى الكرسى رقم كدا .
الكابتن حلف بيدينو يرمى نادر من الطيارة يا يرمى الطيارة بالفيها وبعد تحانيس الركاب اقنعو الكابتن انو ينزل نادر بى برشوت (مظلة) وفعلاً فكو اخونا بالبرشوت وهو طاير فى الجو قال بلا ابوى بلا عذاب وطلع الورقة وكانت المفاجأة غير متوقعة الورقة مع الهوى طارت .
تتخيلو الورقة فيها شنووووووووو ؟؟؟؟؟؟؟؟؟؟؟؟؟؟؟؟
عم الطيب بجر فى انفاسو الاخيرة قام كتب الوصية بتاعتو وقام نادى نادر ولدو وقال ليو :امسك يا ولد الورقة دى واوعك تقراها قبل ما اموت واوعى تقراها براك تديها لزول بتثق فيهو يقراها ليك .
نادر: يا ابوى دا كلام شنو ؟
عم الطيب :يا ولد اسمع لو دايرنى اموت وانا غضبان عليك ما تنفذ الوصية وما داير اى كلام .
نادر المسكين مسك الورقة وهو متحير من الكلام السمعو والورقة فيها يالله يكون الحاج عندو ممتلكات نحنا ما عارفنها طيب لو كان كده ما عايزى اقراها براى لية؟؟؟؟؟؟؟
بعد ساعات عم الطيب توفى الى رحمة مولاة ومع جوطة البكاء والحزن على ابوه والناس خاشه وطالعة نسى موضوع الورقة وبعد كم يوم قام شال الورقة واداها لامو حاجه آمنه .
حاجه آمنه : دى شنو يا نادر؟
نادر: الورقة ادانى ليها الحاج الله يرحمو وقال لى كدا وكدا انت شوفى الحاصل فيها شنو
حاجه آمنه فتحت الورقة وصنت مسافة وبعدين قالت ليو :
امسك الورقة ولم حاجاتك واطلع من البيت ومن الليلة لا انت ولدى ولا بعرفك
نادر : يا امى عليك الله فيها شنو ؟
حاجه آمنه : لو ما دايرنى احصل ابوك زح من قدامى .
اخونا بقى طاشى شبكة البسوى قلبو طلع من البيت وجرى على سلمى خطيبتو يا بت الناس لو انتى بتحبينى بالجد بالجد ورينى الورقة دى فيها شنو ؟
سلمى : نادر دا كلام شنو البتقول فيو وبعدين انت عارفنى بحبك اكتر من اى حاجة وتانى ورقة شنو الجايطه راسك .
نادر :الحاصل كيت وكيت رايك شنو ؟
سلمى : حيب الورقة ، فتحت الورقة وصنت مدة وقامت على حيلها امسك يا ود الناس ورقتك وتانى حاجه امسك الدبله بتعاتك دى ما عايزاها وحاجة اخيرة تانى عليك الله لو لقينى فى الشارع ما تسلم على .
صاحبنا من الصدمة ما قدر ينطق حرف .
المهم طلع وبقى لافى فى الشوارع وحالتو بالبلا صدفه لاقاه صحبو سيف .
سيف :نادر مالك يازول لافى فى الحر دا انت عيان ولا شنو ؟
نادر : خلينى عليك الله .
سيف : اخليك ؟؟؟؟؟
قام ساق نادر البيت وجاب ليهو عصير وبعد شويه نادر هدى شويه وبد يحكى لسيف تفاصيل ما حدث .
سيف : جيب الورقة .
نادر : لا لا انا ما ناقص اخسرك انت كمان .
سيف :طيب انا عندى ليك حل بس ما عارف ...
نادر ألحقنى بيو الله يخليك .
سيف : تقوم تسافر بره يعنى تمشى مكان مافيهو زول بعرفك ولا بعرف اهلك و لا سمع بيهم قبل كدا.
نادر : شديد يا مان .
اول طياره قايمه اخونا نط فيها وبقى قاعد زى الصنم فى الكرسى يجيبو الحلاوة ما داير الموية ما داير الاكل ما داير المهم المضيفة لاحظت للزول دا ما تمام جات سألتو :
مالك يا شاب اى حاجة ما داير ما داير ؟
نادر : عليك الله انا ما ناقص !
وبعد حنك قام حكى ليها الحاصل واداها الورقة الملعونة شالتا وودتا للكابتن ، فتح الورقة وقراها وقال :
الزول دا قاعد وين ؟
المضيفة : هناك فى الكرسى رقم كدا .
الكابتن حلف بيدينو يرمى نادر من الطيارة يا يرمى الطيارة بالفيها وبعد تحانيس الركاب اقنعو الكابتن انو ينزل نادر بى برشوت (مظلة) وفعلاً فكو اخونا بالبرشوت وهو طاير فى الجو قال بلا ابوى بلا عذاب وطلع الورقة وكانت المفاجأة غير متوقعة الورقة مع الهوى طارت .
تتخيلو الورقة فيها شنووووووووو ؟؟؟؟؟؟؟؟؟؟؟؟؟؟؟؟
» زمان الجدب العدد الخامس
» اجمل النكات السودانية هها هااااااااااااااااااااااااي
» مساطيل زى الفل
» ردو عليا يا شباب لو سمحتو
» حمل طرح مناظره الجبهه الديمقراطيه مع مؤتمر الطلاب المستقليم جامعه نيالا
» فشل اعضاء المنتدى
» جيناكم فى نيالا
» اين انتم